···
HISTORIAURREA:
Orozkoko
ondare arkeologikoa eskualdean dagozanetatik aberatsenetariko bat da. Gorbeiko
Mendian kokaturik dagoz aztarnategi gehienak eta historiaurretik datoz.
Aztarnategi hauetan bi talde ikusi ahal dira:
- Kobazuloetako asentamentuak: Hamaika dira Orozkon agertu direnak. Hauek,
bi taldeetan osatzen dira: 1) Itxinakoa eta 2) Urratxa-Lasarrekoatxakoa. Azken
honetan, eta Sastegin kokaturik dagoan Urratxa III kobazuloan bai material litikoak
eta bai zeramikoak ere berreskuratu dira. Era berean, gorriz dekoraturik dagoan
harribila bat ere agertu da. Material hauek ikusita, gizonak noiztik kobazulo
hau okupatu dauan ezagutu ahal da.
···
