Izapide honen bidez zenbait aldizkako ordainketa Udalerriari dagokiolarik helbidera daitezke, hala nola, Kiroldegiko kuota, Trakzio Mekanikoko Ibilgailuen Gaineko Zerga (TMIGZ) eta abar. Pertsona fisiko eta juridikoei zuzendutako izapidea da. Helbideratzeak zenbait abantaila dauzka:

1. Borondatezko ordainketa epearen azken egunean kobratuko dizute.
2. Ez duzu epe barruan ordaintzeko kezkarik.
3. Ordainagiria heltzen zaizunean horrekin ados ez bazaude, zure Kutxa edo Bankuari kobratutakoa itzultzeko agin diezaiokezu, dagokion idazkia aurkeztu beharko duzula kontuan hartuta.

Izapide honen bidez Trakzio Mekanikodun Ibilgailuen gaineko Zerga zati proportzionalean itzultzeko eskaera egin ahal izango da.

Zerga ordaindu ondoren titularrak ibilgailuaren behin betiko baja egiten badu, zergaren zati proportzionala berreskuratzeko eskubidea izango du, behin betiko baja ematen den unetik zergaldi berri batera dagoen denborari dagokiona. Zerga, arautegiak dioen bezala, hiruhileko naturaletan banatzen da lehenengo erosketari edo ibilgailuaren behin betiko bajari dagokionean, alta edo baja egiten den datari dagokiona barne hartuta.

Izapide honen bidez Ondasun Higiezinen gaineko Zergari dagokion katastroko dokumentuak igor daitezke.

Eskaera jaso ondoren, eta zuzena bada, edo zuzena izan ez arren zuzendua izan bada, katastroko dokumentua igorri egingo da.

Prozedura hau hiriko ondasun higiezinen gain eskubide errealak dituzten titularrei zuzenduta dago, bai pertsona fisikoei bai juridikoei.

Izapide honen bidez Landa-lurreko Ondasunen gaineko Zergari dagokion katastroko dokumentuak igor daitezke.

Eskaera jaso ondoren, eta zuzena bada, edo zuzena izan ez arren zuzendua izan bada, interesdunak tasak ordainduko ditu eta katastroko agiria edo fitxa teknikoa igorriko zaio.

Fitxa teknikoak honako datu hauek izango ditu:

• Kokapenari eta identifikazioari dagozkion datuak
• Lurraren datu fisiko eta ekonomikoak
• Eraikuntzaren datu fisiko eta ekonomikoak
• Erabilera edo xedea
• Balio fiskalak
• Datu juridikoak
• Krokis kotatua

Izapide honen bidez Hiri-lurren Balio-Gehikuntzaren gaineko Zergaren autolikidazioa egiteko prozedura has daiteke.

Prozedura interesdunaren nahitaezko zergadunaren eskaeraren ondorioz hasiko da autolikidazioaren bidez. Autolikidazioa jaso ondoren, eta hori zuzena bada eta osorik badago, nahitaezko zergadunak behin-behineko ondoriozko kuota ordainduko du. Gero ondoriozko kuota zuzena dela egiaztatuko da. Kuotaren zenbatekoa zuzena ez izatekotan, behin betiko likidazioa igorriko da eta bertan interesdunari itzuli beharreko edo interesdunak ordaindu beharreko zenbatekoa adieraziko da.

Izapide honen bidez Lurren Balio-Gehikuntzaren gaineko Zergari dagozkion salbuespen eta hobariak eskatu ahal izango dira. Prozedura hasteko interesdunak eskaera egin beharko du eta eskabidearekin batera salbuespena eskatzeko arrazoia azaltzen duten agiriak aurkeztuko ditu.

Zerga arautzen duen foru arauak bi salbuespen mota zehazten ditu:

1. Ondasunaren transmisioa eragiten duten ekintzen izaera kontuan hartzen duena.
2. Zerga ordaintzeko obligazioa duen pertsonaren zerga-ezaugarriak kontuan hartzen dituena.

Izapide honen bidez ondasunen ziurtagiriak eska daitezke.

Ziurtagiri honek eskatzaileak udalerrian dituen ondasunen zerrenda adierazten du.

Ondasunen jabearekin bat datozen datuak bakarrik ziurtatuko dira. Eskaera egiten duena ondasunen titularra izango ez balitz, titularraren baimena bermatu beharko luke datuetara atzitzeko. Eskaera egiaztatu ondoren, eskatutako ondasunen ziurtagiria igortzeari ekingo zaio eta interesdunak dagozkion tasak ordaindu beharko ditu

Izapide honen bidez ondasunen ziurtagiri negatiboa eska daiteke.

Ziurtagiriak egiaztatzen du eskatzaileak ez duela inskribatutako edo erregistratutako ondasunik ziurtagiria igortzen duen udalerrian.

Izapide honen bidez zergen ordainketak atzeratzeko edo zatikatzeko eskaera egin daiteke.

Zerga-administrazioak zerga-obligaziodunen esku jartzen du aukera hau, beraien egungo egoera ekonomikoak ordainketa galarazten badie hori atzeratzeko edo zatikatzeko aukera eskainiz.

Izapide honen bidez Trakzio Mekanikodun Ibilgailuen gaineko Zergaren salbuespena eska daiteke arrazoi desberdinak argudiatuz: ibilgailuaren antzinatasuna, ibilgailuaren titularraren minusbaliotasun aintzatetsia, etab.