Kultura

Orozko museoa 

"Orozkoko Museoa" Orozkoko Etnografia-museoa Legorburu Jauretxean dago. Kareaga Etxea izenez ere ezagutzen den XVIII. mendeko eraikin bikain hau udalerriko plaza nagusian dago, udaletxetik metro gutxira.

Eraikina Museoak eta Turismo Informazio Guneak osatzen dute. Hurbiltzen diren bisitariek Turismo Informazio Gunean ingurua ezagutzea erraztuko dien intereseko datuak jasotzeko aukera izaten dute.

Museo honek denboran zehar bailaran izandako bizimoduaren inguruko elementuak, agiriak eta lekukotasunak batzen ditu, ikuspegi desberdinetatik. Eta horien bitartez, egungo errealitatea sorrarazi duten arrazoiak zein ondorioak ezagutu ditzakegu. Proposamen elkarreragile eta parte-hartzaileen bidez, ikusentzunezko eta informazio-bitartekoekin, bisitariari bisitaldi ludiko-hezigarriaz gozatzeko aukera ematen dio. 

"Orozkoko Museoa" hiru solairuko eraikina da, eta horietako bakoitzean gai zehatz bana azaltzen da: Orozko Bailarako Ondare Historikoa, Bizimodu Tradizionala Bailaran eta Gorbeiako Lurralde Garaietako Biztanleak.

Beheko solairuan Turismo Informazio Gunea, Bailarari buruzko produktuz eta argitalpenez osatutako beira-arasa bat eta, sei panelen laguntzarekin Orozkoko Bailararen aurkezpen orokorra egiten den aretoa daude. Gune honetan aldi baterako erakusketez gain hitzaldiak ere eskaintzen dira. Museoaren filosofiaren barruan kokatzen diren jarduera hauek guztiek Museoa biziberritu egiten dute hilero.

Lehenengo solairuan bailarako bizimodu tradizionala azaltzen da: errekak energia-iturri gisa duen garrantzia eta bere erabilera burdinola zein errota askotan, eta Orozkoko bailaran zelan nabarmendu diren elikadura, nekazaritza zein artisautza.

Bigarren solairuko gaia Gorbeiako lurralde garaietan gizakiaren presentzia da. Hiru dira protagonistak: artzainak, aizkolariak eta ikazkinak. Berton lanon berezitasunak, izandako elikadura eta bertako habitata azaltzen dira. Areto honetan artzaintzak zein abeltzaintzak Orozkon izandako eragina islatzeko ahalegina egiteaz gain hauetatik eratorritako produktuen –gazta eta artilea– garrantzia nabarmentzen da.

Museo hau bisitari mota guztientzako egokia da. Horrela, gaur egungo zein etorkizuneko belaunaldiek euren arbasoen, ohituren zein berezitasunen berri izatea du helburu nagusitzat. Eurek horren guztiaren berri izan ostean baloratu, kontserbatu eta errespetatu ahal izatea, horrez gain bai Orozko Bailarako bai Gorbeiako Parke Naturaleko ingurumena zainduz.

Zerbitzuak

Debaldeko sarrera, harrera eta gida. Ezinduentzako egokitutako instalazioak. Herriko produktuak, liburuak eta material informatiboa saltzen da.

Denporaldiko erakusketak, hitzaldiak, medi-irteerak.

Ordutegiak

Astelehenetan: itxita
Goizez: Asteartetik igandera eta jaiegunetan:10:00etatik 14:00etara
Arratsaldez: Larunbata eta igandetan: 17:00etatik 19:00ak arte.

Gidatutako Bisitak: asteazken, ostegun eta ostiraletan: 10:00etatik 14:00etara, euskaraz edo gaztelaniaz. Aldez aurretiko zitagaz.

Helbidea

Orozko Museo Etnografikoa
Plaza Zubiaur z/g, 48410 Orozko
Telefonoa: 946 339 823
Web orria: http://www.orozkomuseoa.eus/
E-mail: museoa.orozko@bizkaia.org

Gorbeiako turismo eta informazio bulegoa

Zubiaur Enparantza Z/G, 48410 Orozko
Telefonoa: 946 339 823
Faxa: 946 339 934?
Teléfono: 946 122 695
E-mail: turismo@gorbeialdea.com

Ekintzak