Osasuna

 
  • Museoak eta Turismo Bulegoak ekainaren 2tik zabalik daude. Ordutegia asteartetik igandera 10:00etatik 14:00etara da; ostiral eta larunbatetan, 10:00etatik 14:00etara eta 16:00etatik 18:00etara. Uztailean eta abuztuan, astelehenetik igandera, 10:00etatik 14:00etara eta 16: 00etatik 18:00etara irekiko dute. Museoak zein bulegoak kontingentzia-plan bana egin dute bisitarien segurtasuna eta erosotasuna bermatzeko, eta horiei osasun-agintariek ezarritako araudia betetzea eskatzen diete.
  • Indumako bulegoa zabalik dago. Ekainean jende aurreko ordutegia astelehenetik ostiralera, 11:00etatik 13:00etara, eta astearteetan eta ostegunetan, 18:00etatik 20:00etara izango da. Bulegora sartu baino lehen, maskara jarri behar da. Gainera, orozkoarren osasuna bermatzeko, tenperatua neurtuko diete sartzen diren herritar guztiei. Bertan jendea egonez gero, kanpoan itxaron beharra dago, segurtasun-distantzia mantenduz.
  • Udalekuak bertan behera gelditu dira, herriko haurren eta ekintzetan lan egiten duten pertsonen osasuna eta segurtasuna zaintzeko. Neurri horren bidez, Udalak aintzat hartu ditu COVID-19 birusaren hedapena geldiarazteko osasun-agintariek eman dituzten gomendioak.
  • San Joan jaiak bertan behera gelditu dira, Eusko Jaurlaritzak ezarritako neurriak eta Euskadiko Udalen Elkarteak (EUDEL) emandako gomendioak betetzeko. Aholku horien arabera, edukiera murriztu, distantzia soziala mantendu, sarbideak kontrolatu eta ekitaldi jendetsuak saihestu beharra dago.
  • San Joaneko bertoko ekoizleen azoka mantendu egingo da, ekainaren 21ean, igandean. Ekoizleen eta bertara joaten direnen osasuna babesteko, beharrezko prebentzio-neurri guztiak hartuko dira.